Bıshimbaev isi: alqabılerdi irikteý ótti
ASTANA. KAZINFORM - Búgin elordanyń qylmystyq ister jónindegi mamandandyrylǵan aýdanaralyq sotynda Q.Bıshimbaevtyń isi boıynsha alqabılerdi irikteý ótti.
«Alqabıler alqasyna 12 adam tańdaldy: 10 — negizgi quram, 2 — qosalqy.
Ashyq rejımde ótetin kelesi sot otyrysy 2024 jyldyń 27 naýryzynda saǵat 16:00–ge belgilendi», — dep jazdy Joǵarǵy sottan.
Aıta keteıik, buǵan deıin Bıshimbaev isi boıynsha alqabıler alqasyna kandıdattardy irikteıtin jabyq otyrys bastalǵanyn jazǵanbyz.
2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy.
Munan soń Іshki ister mınıstrligi Qýandyq Bıshimbaevtyń ustalǵanyn rastady. Ótken jyly 15 qarashada ótken keńeste Memleket basshysy Qasym-Jomart Toqaev Іshki ister mınıstrine Q. Bıshimbaevtiń isin erekshe baqylaýǵa alýdy tapsyrdy.
Bıyl 11 qańtarda elorda soty Qýandyq Bıshimbaevty kúzetpen ustaý merzimin 2 aıǵa uzartqan edi. Bıyl 26 aqpanda Qýandyq Bıshimbaevtyń isi sotqa tústi. 1 naýryzda Qýandyq Bıshimbaevtyń isi boıynsha aldyn ala tyńdaý kúni belgilendi.
11 naýryz kúni Astananyń Qylmystyq ister jónindegi mamandandyrylǵan aýdanaralyq sotynda is boıynsha aldyn ala tyńdaý ótti. Aldyn ala tyńdaýdyń 12 naýryzda jalǵasty.
