Bıshimbaev isi: Advokat úkimdi ózgertýge negiz bolatyn zań buzýshylyqtardy atady

ASTANA. KAZINFORM – Qýandyq Bıshimbaevanyń qorǵaýshysy Erlan Ǵazymjanov alqabılerdiń biri isti tyńdaý kezinde áleýmettik jelide sýdıanyń ruqsatynsyz sot quramyna kirmeıtin adamdarmen baılanys ornatqanyn jáne olarmen qylmystyq iske qatysý máselesin ashyq talqylaǵanyn aıtty.

Qorǵaý tarapynyń aıtýynsha, alqabılerdiń biri QR Qylmystyq is júrgizý kodeksiniń normalaryn buzǵan, sebebi ol áleýmettik jeli paıdalanýshylarymen baılanysyp, sot talqylaýy týraly aıtqan, iske qatysýshylardyń arnalaryna jazylǵan.

«Bul № 4 alqabı. Ol óz akkaýntynan alqabı retinde tańdalǵany týraly pikir qaldyrǵan jáne irikteýdiń ádil jáne ashyq ótkenin aıtqan. Bul pikirdiń astynda birneshe jeli qoldanýshy oǵan qysym jasaı bastaǵan. Sondaı-aq, alqabı máskeýlik sarapshylardyń qorytyndysyn synaǵan sarapshy Tahır Halımnazarovtyń akkaýntyna jazylǵan», - dedi E.Ǵazymjanov.

Onyń aıtýynsha, alqabı jábirlenýshi Aıtbek Amangeldiniń de akkaýntyna jazylǵan. Onda A.Amangeldi istiń mán-jaıy týraly aqparatty óz paıymdaýymen usynyp otyrǵan.

Advokat osy buzýshylyqty Bıshimbaevtyń úkimin ózgertýge negiz bola alatynyn aıtady.