Bıshimbaev pen Baıjanovqa qatysty apellıatsııalyq sot otyrysy bastaldy

ASTANA. KAZINFORM – Eks-sheneýnik Qýandyq Bıshimbaevqa kesilgen jazany qaıta qaraý boıynsha apellıatsııalyq sot otyrysy bastaldy.

Joǵarǵy Sot qoǵamnyń sot protsesine qyzyǵýshylyǵynyń artqanyn eskere otyryp, apellıatsııalyq satydaǵy sot otyrystarynyń onlaın-translıatsııasyn jalǵastyrý týraly sheshim qabyldady. Sot otyrystary tikeleı efırde ótip jatyr. 

«Qylmystyq is júrgizý kodeksiniń 424-babyna sáıkes, alqabılerdiń qatysýymen shyǵarylǵan úkimge shaǵymdardy qaraý tártibi QІJK 66-babyndaǵy ereje boıynsha júzege asyrylady. Alqabılerdiń qatysýymen shyǵarylǵan úkimniń kúshin joıý jáne ony ózgertý úshin protsestik buzýshylyq qana negiz bola alady», - dedi sýdıa. 

Ázirge Q. Bıshimbaevtyń qorǵaýshysy Erlan Ǵazymjanov sóılep jatyr. 

Eske salsaq, 2023 jyly 9 qarashada Astanadaǵy «Bau» meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem jetkenshe kóz jumdy.

Qýandyq Bıshimbaev 24 jylǵa sottaldy.

Sondaı-aq, eks-sheneýniktiń merziminen buryn bosap shyǵýy múmkin be, degen taqyrypta sholý jasaǵan edik.

Sondaı-aq, Bıshimbaevtyń úkimin jeńildetý úshin 100 mln teńge alǵan elorda turǵyny tergelip jatqanyn eske sala keteıik.