Bishkektiń ortalyǵynda jarylys boldy
BІShKEK. QazAqparat - Búgin Bishkektiń ortasyndaǵy Rysqulov kóshesiniń qıylysyndaǵy Isanov kóshesiniń boıynda jarylys boldy. Qoldan jasalǵan jarylǵysh zat iske qosylyp ketken, dep habarlaıdy QazAqparattyń menshikti tilshisi.
Jergilikti BAQ ókilderi habarlaǵandaı, jarylys reseılik kásipker Aleksandr Gaıdýkovqa qastandyq jasaý maqsatynda keńsesi ornalasqan úıdiń aýlasynda uıymdastyrylǵan. Jarylǵysh zatty kásipkerdiń avtokóliginiń mańyndaǵy aǵash butaqtarynyń arasyna tyǵyp qoıǵan. Gaıdýkovtyń bilekteri men sany azdap jaralanǵan.
Tergeý amaldary júrgizilip jatyr.
Jarylystyń bolǵan sáti áleýmettik jelilerde jarııalandy.
Buǵan deıin, 2016 jyldyń sáýir aıynda, Aleksandr Gaıdýkovqa oq atylyp, qastandyq jasalǵan edi. Qylmys sol kúıi ashylǵan joq.
