Bishkektiń burynǵy ákimi prezıdenttik jarystan óz kandıdatýrasyn alyp tastady
ASTANA. 10 qazan. QazAqparat - Sarapshylardyń pikirinshe, Qyrǵyzstandaǵy prezıdenttik jarysta kóshbasshylarynyń biri bolǵan Bishkektiń burynǵy ákimi Narıman Tóleev OSK áreketteri saldarynan óz kandıdatýrasyn saılaýdan alyp tastady.
«Kýáligimdi saılaý naýqanynyń aıaqtalýyna eki apta qalǵan ýaqytta ǵana aldym. Meniń jáne meniń jaqtastarymnyń prezıdent saılaýynda kandıdat retinde qatysýyna birneshe kedergi jasaldy. Sol sebepti saılaý baǵdarlamasy da úzildi», - delingen Tóleevtiń dúısenbi kúni taratylǵan habarlamasynda, dep habarlaıdy Trend.
Tóleevtiń sózine qaraǵanda, «ashyq ári ádil saılaý ótkizýge tıisti» OSK óz áreketterimen ony eki tańdaýdyń ortasynda qaldyrdy: «óz halqymdy, olardyń daýystaryn aqshaǵa satyp alý nemese ádildiktiń sheginen shyqpaý».
«Men ádil kúresýge daıyn boldym. Alaıda maǵan kedergi keltirý úshin barlyq áreketter jasaldy. Men basqasha ádispen prezıdenttik taqqa talasýǵa moraldik quqyǵym joq. Sol sebepti men óz kandıdatýramdy alyp tastaý jóninde sheshim qabyldadym», - dedi saıasatker.
Osylaısha, Qyrǵyzstan prezıdenti saılaýyna qatysý úshin 22 kandıdat qaldy. Búgin Ortalyq saılaý komıssııasy saılaý bıýlleteninde kandıdattardyń rettik tizimin belgileý úshin jerebe tastaıtyn bolady.
