Bishkekten iri kólemdegi geroındi Almatyǵa jetkizbek bolǵan azamat quryqtaldy
ASTANA. 14 qarasha. QazAqparat - Aımaqtyq esirtki saýdasyna qarsy kúres basqarmalary esirtki qylmystaryn áshkereleýge baǵyttalǵan birqatar nátıjeli operatsııalar ótkizdi.
Almaty oblysynyń jedel qyzmetkerleri tárkilegen eki kelige jýyq geroın sol sharalardyń aıǵaǵy, dep habarlaıdy QR Іshki ister mınıstrliginiń baspasóz qyzmeti.
Jambyl aýdanyna qarasty «Uzynaǵash-Samsy» tas jolynda ornalasqan «Aqterek» rýbej beketinde «Nıssan Maksıma» avtokóligin júrgizip kele jatqan 27 jasar oblys turǵyny ustalǵan bolatyn. Atalǵan kóliktiń jolaýshysy Almaty qalasynyń 52 jastaǵy turǵynyn tintý kezinde kúrteshesiniń etek jaǵynda beline skotch lentasymen oralǵan, ishinde aq tústi untaǵy bar eki polıetılendi paket tabyldy. Sot-hımııalyq saraptamasy atalǵan untaqty zertteı kele onyń «geroın» esirtkisi ekenin anyqtady.
Kúdikti esirtkini Almaty qalasyna tasymaldap jetkizý maqsatynda, Bishkek qalasynyń turǵyny shala tanys «Vıtıa» esimdi er kisiden alypty. Qyrǵyz eliniń azamaty geroındi mejeli jerine aman-esen jetkizý qyzmetin bir myń AQSh dollaryna baǵalaǵan kórinedi.
