Bishkektegi jarylysta jaraqat alǵandar jazylyp keledi
BІShKEK. QazAqparat - Bishkektegi Qytaı elshiligi ǵımaraty mańyndaǵy jarylystan zardap shekkender táýir bolyp keledi. Bul týraly «QazAqparat» HAA tilshisine Bishkek travmotologııa jáne ortopedııa ǵylymı-zertteý ortalyǵynyń bas dárigeri Almaz Kýbatbekov habarlady.
«Zardap shekkenderdiń ekeýi de 1999 jyly týǵan, elishilikte baǵban bolyp eńbek etken. Aýrýhanaǵa túskende olardan mıdyń shaıqalýy, ortasha deńgeıdegi kontýzııa, bet men tánindegi jeńil jaraqattardy anyqtadyq. Qazir patsıentterdiń jaǵdaıy turaqty. Eger esh qıyndyq týyndamasa, jaqyn kúnderi olardy aýrýhanadan shyǵaramyz», - dedi A.Kýbatbekov.
«Tergeý múddelerine qatysty patsıentter jaıly málimet taratylmaıdy», - dep tolyqtyrdy bas dáriger.
Aıta keteıik, 30 tamyz kúni shamamen tańǵy 10-da belgisiz avtokólik Bishkektegi QHR elshiligi ǵımaratynyń qaqpasyn buzyp kirgisi kelgen jáne sol sátte jarylys bolǵan. Avtokólik júrgizýshisi qaza tapty jáne eki Qyrǵyzstan azamaty jaraqat aldy.
