Bishkektegi jaǵdaı ýaqytsha ІІM baqylaýyna alyndy
BІShKEK. Sáýirdiń 9-y. QazAqparat /Evgenıı Novıkov/ - Ýaqytsha úkimettiń taǵaıyndaýymen sáýirdiń 7-inen beri Bolotbek Shernııazov basqaratyn Qyrǵyzstannyń ýaqytsha Іshki ister mınıstrliginiń málimetteri boıynsha, qazirgi tańda Bishkektegi jaǵdaı ishki ister organdarynyń baqylaýynda.
Atap aıtqanda, mılıtsııa qyzmetkerlerinen, ishki áskerdiń áskerı qyzmetkerleri men erikti halyq jasaqtarynan jasaqtalǵan jedel toptardyń birikken is-qımyldarynyń nátıjesinde sáýirdiń 9-y kúni túngi saǵat 1-lerde Bishkek elirgen jastardyń toptarynan tazartyldy.
Onyń aldynda, sáýirdiń 8-i kúni saǵat 18.00-den bastap Bishkektiń barlyq aýdandary men oramdarynda 50-den astam jedel top jol polıtsııasy ınspektorlarymen birlesip kezekshilik atqardy. Qorqaýlyqpen jáne tonaýmen aınalysyp júrgen adamdarǵa qarsy arnaıy quraldar men atys qarýlaryn qoldandy.
Qazirgi tańda Bishkekte turaqtylyq pen qoǵamdyq qaýipsizdikti qamtamasyz etý jónindegi jedel sharalar jalǵasýda. Arnaıy qurylǵan toptar búlik pen tártipsizdikterdiń nátıjelerin tirkeý, keltirilgen shyǵyndy baǵalaý jumystaryn júrgizýde.
Qyrǵyz Respýblıkasynyń ýaqytsha ishki ister mınıstrligi Bishkektegi qoǵamdyq tártipti qalpyna keltirýge kómektesip otyrǵan barsha azamattarǵa shynaıy alǵys bildirdi.
