Bishkektegi ushaq apaty kezinde 15 adam qaza tapty
BІShKEK. QazAqparat - Búgin Qyrǵyzstannyń Shý oblysy Sokýlýk aýdany Dacha-Sýý aýylynda, áýejaıǵa jaqyn jerde saǵat tańǵy 7.31-de Gonkongten Túrkııaǵa bet alǵan júk ushaǵy qulady, dep habarlady QR TJM baspasóz qyzmetine silteme jasap «QazAqparat» HAA tilshisi.
TJM derekterine sáıkes túrik avıa jelisine tıesili ushaq Gonkongten Túrkııaǵa bet alǵan. Avıalaıner «Manas» áýejaıynan maı quıýdy josparlaǵan. Tuman saldarynan ushaq ushý-qoný jolaǵyna qona almaı qalǵan, qazir áýejaı jabyldy.
Qazirgi sátte 15 adamnyń qaza tapqany rastaldy. Onyń 9-y eresek, 6-aýy balalar. Zardap shekken 6 adamǵa kómek kórsetilýde. Qaza bolǵandar men zardap shekkender tizimi jasalýda. Baspasóz qyzmeti konsýltantynyń derekterine sáıkes, oqıǵa ornynda jedel járdem brıgadasy jumys isteýde.
Atap ótsek, keshe 15 qańtarda tuman saldarynan Qyrǵyzstan prezıdentiniń ushaǵy «Manas» áýejaıyna qona almaǵan. Sodan №1 bort «Tamchy» áýejaıyna baǵytyn ózgertip, sol jerge baryp sátti qonǵan.
