Bishkektegi Túrki kınosy kúnderinde qazaqstandyq fılm kórsetiledi
BІShKEK. QazAqparat - Búgin Bishkekte Túrki kınosy kúnderi bastaldy. Festıvalge qazaqstandyq rejısser Sábıt Qurmanbekovtyń «Oralman» fılmi qatysady, dep habarlaıdy QazAqparat tilshisi.
Kıno kúnderiniń baǵdarlamasy kórermenderdi beıjaı qaldyrmaǵan qyrǵyzdyń «Týnký kyrsyk» fılminiń kórsetilimimen bastaldy. Qazaqstandyq «Oralman» fılmi 15 qyrkúıek kúni Bishkekte qazaq tilinde aǵylshyn sýbtıtrlerimen kórsetiletin bolady.
Otandyq týyndy kóptegen álemdik festıvalderde joǵary baǵaǵa ıe bolyp, qazaqstandyq kórermenniń kóńilinen shyǵyp úlgerdi.
«Qazaqfılmniń» anımatsııalyq bóliminiń dırektory Adaı Ábeldınovtiń pikirinshe, fılm qyrǵyz qaýymynyń da qyzyǵýshylyǵyn týdyrýy ábden múmkin.
Túrki kınosy kúnderi Túrkitildes elder Parlamenttik Assambleıasy komıssııasynyń «Kıno jáne anımatsııa - túrkitildes elderdegi mádenı muranyń bóligi ispettes» taqyrybyndaǵy áleýmettik, mádenı jáne gýmanıtarlyq máselelerge arnalǵan 6-shy otyrys aıasynda ótip jatqan sharalardyń bir ǵana bóligi. Olar erteń Qyrǵyzstannyń astanasynda jalǵasyn tabatyn bolady.
Keńes otyrysyna Qazaqstan, Ázerbaıjan, Qyrǵyzstan jáne Túrkııa elderiniń delegatsııalary, sondaı-aq, Túrkııa Mádenıet jáne týrızm mınıstrliginiń, Qyrǵyzstan Mádenıet mınıstrliginiń, Ulttyq kınostýdııalardyń, dıplomatııalyq korpýs pen ózge de uıymdardyń ókilderi qatysady.
Іs-sharaǵa qazaqstandyq taraptan parlamenttik delegatsııa ókilderi - Dınar Núketaeva, Parlament Senatynyń depýtaty Álııa Saparova, Parlament Májilisiniń depýtaty, sondaı-aq, «Qazaqfılmniń» anımatsııalyq bóliminiń dırektory Adaı Ábeldınov keldi.
Foto: brod.kz
