Bishkektegi tártipsizdikterdiń saldarynan bankter jumys jasamaıdy
ASTANA. Sáýirdiń 9-y. QazAqparat - Eldegi tártipsizdikterdiń saldarynan Bishkekte úshinshi táýlik boıy bankter jumys jasamaıdy. AKIpress aqparattyq agenttiginiń habarlaýynsha, qyrǵyz astanasynda bankter fılıaldary men bankomattar jumys jasamaı tur.
Bul málimetterdi Qyrǵyz Respýblıkasy Ulttyq bankiniń ókilderi berdi. Ulttyq bankten habarlaýynsha, tutastaı alǵanda jaǵdaı qalypty. Bishkekte de, aımaqtarda da bankterdi nemese fılıaldardy qıratýlar týraly habarlar túsken joq. Qarjy mekemeleri de qıratýlardan qorqyp jumys jasaýǵa daýalamaı otyr. Sondaı-aq olardyń klıentterge qyzmet kórsetý úshin qashan ashylatyny belgisiz.
