Bishkektegi oqıǵalar kezinde 75 adam aýrýhanaǵa jetkizildi – polıtsııa
BІShKEK. Kabar - QazAqparat – Bishkektiń travmotologııa jáne ortopedııa ǵylymı-zertteý ortalyǵy men Ulttyq gospıtaline qaladaǵy oqıǵalardan zardap shekken 75 adam jetkizildi. Qurban bolǵandar joq.
Bul týraly Qyrǵyzstannyń Kabar agenttigi Bishkek qalalyq ishki ister basqarmasyna silteme jasap málim etti, dep habarlaıdy QazAqparat.
Zardap shekkenderdiń arasynda 46 adam quqyq qorǵaý organdarynyń ókili.
Eske salaıyq, jeksenbi, 4 qazan kúni Qyrǵyzstanda Jogorký Keneshke depýtattardy saılaý ótti. Depýtattyq mandatqa 16 partııa úmitkerlik etti. Daýys berýdiń aldyn ala málimeti boıynshy, 7% mejeni 4 partııa eńserdi.
Al, búgin, 5 qazan kúni saılaý nátıjesine kóńili tolmaǵan bir top adam ortalyq alańda mıtıng uıymdastyryp, odan keıin Aq úıge bettedi. Olardy tarqatý úshin mılıtsııa kóz jasaýratatyn gaz, sýatqysh jáne gaz-shýyldy qurylǵylar qoldanǵan. Bishkek ýaqytymen saǵat 22.00-degi málim boıynsha, aýrýhanaǵa zardap shekken 16 adam jetkizilgen.
Eldiń Іshki ister mınıstrligi mıtıngti uıymdastyrýshylar men partııa basshylaryn óz jaqtastaryn úılerine qaıtarýǵa shaqyrdy.
Keıin Qyrǵyzstan Prezıdenti Sooronbaı Jeenbekov erteń, 6 qazan kúni parlamenttik saılaýǵa qatysqan barlyq 16 partııa basshysymen kezdesetini málim etildi.
Aıta keteıik, eldiń Ortalyq saılaý komıssııasy daýys berýdiń sońǵy nátıjesin saılaýdan keıin 20 kúnnen keshiktirmeı jarııalaýy tıis.
Sondaı-aq búgin Bishkekte narazylyq bildirýshiler Aq úıdiń aýmaǵyna basyp kirgendigi habarlandy. Al Aq úıden shyqqan órt jergilikti ýaqytpen saǵat 7:46-da sóndirildi.