Bishkektegi murajaıdan Aıvazovskııdiń kartınasy urlandy

Bishkektegi quqyq qorǵaý organdarynyń derekteri boıynsha, "Qyrymdaǵy teńiz kórinisi" dep atalatyn kartınanyń qoldy bolǵany týraly 27 jeltoqsan kúni belgili bolǵan. Munyń aldynda murajaıda jańajyldyq korporatıv keshi ótken.

Murajaı dırektory ıÝrıstanbek Shıgaevtiń aıtýynsha, kartınanyń quny qansha turatyny belgisiz. Týyndy 1955 jyldan beri memleket menshiginde bolǵan.

Etnıkalyq armıan Aıvazovskıı óz kezeńiniń eń tanymal sýretshileriniń biri boldy. 1900 jyly qaıtys bolǵan sýretshiniń qolynan shyqqan alty myńnan astam óner týyndysy bar.

2012 jyly sáýirde Londondaǵy Sotheby's aýktsıonynda onyń "Konstantınopol men Bosfor kórinisi" kartınasy 5 mıllıon 200 myń AQSh dollaryna satyldy, dep habarlaıdy «Azattyq».