Bishkektegi meıramhananyń birinde qyryqqa jýyq adam astan ýlanyp qaldy
ASTANA. QazAqparat - Bishkektegi meıramhanalardyń birinde as ishken qyryqqa jýyq adam ýlanyp qaldy, dep habarlaıdy QazAqparat Kabar agenttigine silteme jasap.
Qyrǵyzstan Densaýlyq saqtaý mınıstrliginiń málimetinshe, astan ushynǵandar kesheden beri aýrýhanaǵa kelip túsip jatyr.
1 sáýirde Respýblıkalyq ınfektsııalyq aýrýhanada zardap shekken 38 adam jatyr, olardyń 7-ýi bala. Naýqastardyń jaǵdaıy ortasha deńgeıde dep baǵalanýda. Barlyǵyna em-dom jasalyp, qajetti medıtsınalyq kómekti kórsetýde.
Qyrǵyz Memlekettik sanıtarlyq epıdemıologııalyq ortalyq tarapynan tekserý júrgizý qolǵa alynǵan. Bastapqy málimet boıynsha, meıramhanaǵa jıylǵan 190 qonaqtyń deni eldiń túkpir-túkpirinen kelgen (Osh, Ystyqkól, Naryn). Osyǵan baılanysty barlyq oblystyq jáne aýdandyq sanıtarlyq epıdemıologııalyq ortalyqtar qajetti is-sharalardy júrgizýge jumyldyrylǵan.
Zardap shegýshilerden taldama alynyp, zerthanaǵa jóneltilgen. Onyń nátıjeleri aldaǵy úsh táýlik ishinde belgili bolady. Sonymen qatar, meıramhanada da synamalar alynǵan.
