Bishkektegi qońyr kúz
BІShKEK. QazAqparat - Jeksenbi Bishkek úshin jaıdary ótti. Kún meıirimin molynan tógip, adamdardy qaqaǵan qys aldynda tabıǵattyń jaıma shýaq jamalyna bólenip qalýǵa asyqtyrǵandaı. Kúzdiń osy bir jeksenbisinde tilshimiz qala turǵyndarynyń bir kúndik ómirinen fotoreportaj jasaǵandy jón kórdi.
Biz júrip ótken jolda meıramhanalar men dámhanalar kúndelikti aıqaı-shýdan arylyp, tynyshtyq tapqandaı. Bul múmkin, dollardyń qymbattaýynan nemese jaı ǵana apta basy, jańa jumys kúni aldyndaǵy adamdardyń saýyqtan góri daıyndaqqa kiriskenin kórsetse kerek. Al kólik jýýshylar bul kúni tynym tappaıdy. Olar qyzmetine 150 somnan 200 somǵa deıin alady. Bul kúni qurylys alańdary da jumysty toqtatqan. Árıne, mundaǵy qurylys qarqyny Almaty men Astanadaǵydaı bolmaýy múmkin, biraq, aqyryndap, Bishkek «qalanyp» jatyr. Mynaý 90-shy jyldary bolyp, umytala bastaǵan, jaıma bazar. Qala joldarynyń jıekterinde jaıylyp jatqan saýdanyń óz alýshysy da bar. Al jasóspirimder, mynadaı jaıma shýaq kúnde úıde tyǵylyp, kompıýter oınaǵansha, serýendegendi jón kóripti, bul - qýanyshty jaǵdaı. Biraq, keshke jaqyn sońynan qar ala kelgen jańbyr tabıǵattyń basqa maýysymy kelgenin kórsetip, qońyr kúzben bizdi eriksiz qosh aıtystyrdy.
