Bishkektegi QHR Elshiligine jasalǵan shabýyldy uıymdastyrýshylar men oryndaýshylar belgili boldy
ASTANA. QazAqparat - Qyrǵyzstan Memlekettik ulttyq qaýipsizdik komıteti Qyrǵyzstandaǵy Qytaı Elshiligine 30 tamyz kúni jasalǵan lańkestik akti uıymdastyrýshylar men oryndaýshylar belgili bolǵandyǵyn jarııa etti.
Tergeý málimetterine sáıkes, lańkestikke Sırııadaǵy «Djabhat an Nýsra» lańkestik uıymymen baılanysy bar uıǵyr lańkestik toby tapsyrys bergen. Olardyń basshylary «Djamaat Taýhıd va Djıhad» «Abý Saloh» halyqaralyq uıymynyń basshysy (Qyrǵyzstannyń Kashkar-Kyshtak aýylynda 1990 jyly dúnıege kelgen Sırojıddın Mýhtarov) arqyly oryndaýshylarǵa Qyrǵyzstandaǵy Qytaı Elshiligine lańkestik sharasyn uıymdastyrýdy tapsyryp, ony qarjylandyrǵan.
S.Mýhtarov óziniń qylmystyq áreketteriniń úılestirýshisi retinde Túrkııadaǵy «Djamaat Taýhıd va Djıhad» uıymynyń múshesi Býrhanıdın Jantoraevty (Qyrǵyzstan, Jalal-Abad oblysy Sozaq aýdanynyń týmasy. 1971 jyly dúnıege kelgen, laqap aty «Abý Ahmad») tartqan.
6 qyrkúıekte atalǵan qylmysqa qatysy bar adamdar anyqtaldy. Olar: Sırııadaǵy «Shyǵys Túrkistan ıslam qozǵalysynyń» múshesi, Tájikstan azamattyǵyn dáleldeıtin tólqujaty bar Zoır Halılov esimdi jankeshti men búginde izdeý jarııalanǵan Sırııada lańkestik daıyndyǵynan ótken, ulty ózbek Osh qalasynda dúnıege kelgen Izzotıllo Sattybaev (laqap aty «Alı»).
Buǵan qosa, Túrkııada «Adal-Týr» ókili de izdestirilýde. Ol Ystambuldan lańkestikti qarjylandyrý máselelerin úılestirgen. Jedel aqparattarǵa sáıkes, lańkestikke qatysy bar ári ony uıymdastyrýy múmkin Qyrǵyz azamaty Ilıas Sabırov Ystambul qalasynda júr.
Lańkestikke qatysy bar 5 adam ustalyp, Qyrǵyz Memlekettik ulttyq qaýipsizdik komıtetiniń ýaqytsha oqshaýlaǵyshyna qamaldy.
