Bishkektegi Qazaqstan elshiliginde polıtsııa baqylaýy kúsheıtildi
BІShKEK. QazAqparat - Qytaı elshiligi mańynda bolǵan jarylystan soń Bishkekte dıplomatııalyq ókildikter men memlekettik vedomstvolarda qaýipsizdik sharalary kúsheıtildi.
Qyrǵyzstandaǵy Qazaqstan elshiliginen habarlaǵandaı, elshilikte polıtsııa baqylaýy kúsheıtilgen, sondaı-aq dıpmısııanyń aýmaǵyn sanktsııalanbaǵan kirýden qorǵý úshin qaqpalardyń aldyna metall konstrýktsııalar (antıtaran) ornatyldy.
Búgin saǵat 9.30-da Bishkekte ornalasqan Qytaı elshiligi mańynda jarylys boldy. Aldyn ala málimetter boıynsha, quqyq qorǵaý organdary oqıǵany terakt bolýy múmkin ekendigin atap ótti. Mekemeniń batys qaqpasyn buzyp kirgisi kelgen Mitsubishi Delica kóligi jarylǵan.
Jarylys saldarynan avtokólikte bolǵan júrgizýshi qaza tapqan jáne 2 adam zardap shekken. Júrgizýshiniń aty-jóni anyqtalýda. Dıplomattardyń eshqaısysy zardap shekken joq.
Oqıǵa ornynda Qyrǵyzstan ulttyq qaýipsizdik memlekettik komıteti Lańkestikke qarsy ortalyq qyzmetkerleri jumys istep jatyr.
