Bishkektegi qarý-jaraq dúkeninde jarylys boldy: zardap shekkender bar
BІShKEK. KABAR – QazAqparat – Bishkekte jylytý qazandyǵynyń jarylýy saldarynan jeti adam zardap shekti, dep habarlaıdy QazAqparat «Kabar» agenttigine silteme jasap.
«Target» qarý-jaraq dúkeninde shyqqan órt saldarynan Ahýnbaev pen Naberejnaıa kósheleriniń qıylysynda jylytý qazandyǵy jarylyp, bir adam qaza tapty.
«Aldyn ala málimetter boıynsha, 57 jastaǵy marqum «Target» dúkeniniń satýshysy bolǵan. Órttiń shyǵý sebepteri anyqtalýda», – dep habarlady ІІB.
Bes bala men eki eresek adam zardap shekken. Tótenshe jaǵdaı túnde bolǵan. Tórt bala qalalyq balalar klınıkalyq aýrýhanasynda jatyr, olardyń jaǵdaıy qanaǵattanarlyq. Bir bala, er adam jáne bir áıel № 4 qalalyq aýrýhanada.
«Áıel reanımatsııada, kúıeýi ortasha aýyr jaǵdaıda. Bala men er adam aýrýhananyń kúıik bólimine jatqyzyldy. Er adamda kúıik, syný jáne jabyq mı jaraqaty bar. Balada aralas jaraqat: birinshi jáne ekinshi dárejeli kúıikter», – delingen habarlamada.
