Bishkektegi Azııa chempıonatynda qazaqstandyq balýandar 17 medal aldy
ASTANA. QazAqparat - Bishkek qalasynda aıaqtalǵan grek-rım, erkin jáne áıelder kúresinen 2018 jylǵy Azııa chempıonatynda Qazaqstan quramasy jalpy 17 medal jeńip aldy, dep habarlaıdy «SPORTINFORM» SAA.
Atap aıtqanda, qazaqstandyq sportshylar 4 altyn, 2 kúmis jáne 11 qola medal enshiledi. Onyń ishinde 2 «altyn», 1 «kúmis» pen 4 «qolany» grek-rımshiler ıelendi. Sondaı-aq 2 altyn, 1 kúmis pen 4 qola medaldy erkin kúresshiler alyp keldi, al áıelder komandasyna 3 «qola» buıyrdy.
Óz salmaq sanattarynda chempıon atanǵandar - Almat Kebispaev, Ashat Dilmuhamedov, Dáýlet Nııazbekov jáne Nurıslam Sanaevtar.
Qyrǵyzstanda grek-rım, erkin jáne áıelder kúresinen Azııa chempıonaty 27 aqpan - 4 naýryz kúnderi aralyǵynda ótti.
