Bishkektegi áýe apaty kezinde aman qalǵan ushqysh aýrýhanaǵa bara jatqan jolda kóz jumdy
BІShKEK. QazAqparat - Qyrǵyzstan úkimeti Bishkek mańynda túriktiń «Boıng -747» ushaǵy apatqa ushyraýy saldarynan qaza tapqandardyń týystaryna arnalǵan jedel jeli uıymdastyrady, dep habarlady QR úkimetiniń baspasóz qyzmetine silteme jasap, «QazAqparat» HAA menshikti tilshisi.
«Qazir oqıǵa ornynda mamandar jumys isteýde. Órt sóndirýshiler úıdiń ústine qulaǵan keme synyqtaryn tazalaýda. Ótemaqy tólenedi, somasy naqtylanýda», - delingen habarlamada.
16 qańtarda saǵat tańǵy 7.31-de Qyrǵyzstannyń Shý oblysy Sokýlýk aýdany Dacha-Sýý aýyly mańyndaǵy áýejaıǵa jaqyn jerde Gonkongten Túrkııaǵa bet alǵan Turkish Airlines áýe kompanııasynyń Boeing-744 júk ushaǵy qulady.
Sońǵy derekterge sáıkes apattyń saldarynan 32 adam qaza tapqan. Aman qalǵan ushqysh aýrýhanaǵa bara jatqan jolda kóz jumdy.
