Bishkektegi alapat órt: Jeti birdeı dámhana otqa orandy
ASTANA. QazAqparat - Bishkektiń ońtústik-shyǵysyndaǵy Asanbaı shaǵynaýdanynda tutanǵan alapat órt jeti dámhanany jalmady, dep habarlaıdy Kabar Qyrǵyzstan TJM baspasóz qyzmetine silteme jasap.
22 qazan kúni 10:17-de «Bıgmar» JAQ ǵımaratynda órt tutanady. Lapyldaǵan jalyn kórshi ǵımarattardy da sharpyp, 3,1 myń sharshy metr aýdandy qamtydy. «Korchma», «Marıo», «Buhara», «Asanbaı», «Ganbeı», «Bark Laıs» jáne «Kaızer» dámhanalary órtendi.
Órtti aýyzdyqtaýǵa 11 órt bólimshesi jumyldyryldy. 13:31-de bet qaıtqan jalyn 17:53-te ǵana tolyq sóndirildi. Mamandar apat sebepterin anyqtaýda.
TJM-degiler apattan zardap shekken 13 turǵynǵa medıtsınalyq kómek kórsetilgenin málimdedi.
