Bishkekte jolaýshy tasymaldaıtyn shaǵyn avtobýs aýdarylyp qaldy
BІShKEK. QazAqparat - Bishkekte baǵdarlyq shaǵyn avtobýs aýdarylyp, eki jolaýshy zardap shekti, dep habarlaıdy QazAqparat Kabar agenttigine silteme jasap.
Ábdraeva men Shýshtóbe kóshesiniń qıylysynda bolǵan jol apaty kezinde №166 baǵdarda qatynaıtyn shaǵyn jolaýshylar avtobýsy aýdarylyp qalǵan. Bul týraly «Kabar» agenttigine Bishkek qalasynyń mılıtsııa basqarmasy habarlady.
«Mazda» kóligimen soqtyǵysqan shaǵyn avtobýs bir qyryna jantaıyp qulap túsken. Eki jolaýshy zardap shekti, onyń biri qyz bala, ekinshisi áıel adam. Ekeýi de aýrýhanaǵa jatqyzyldy», delingen habarlamada.
Qazirgi ýaqytta bul iske qatysty barlyq materıaldap Bishkektiń qalalyq ІІB Tergeý basqarmasyna joldanylǵan. Kólikter aıyp turaǵyna jetkizildi.
