Bishkekte «jedel járdem» júrgizýshileri ereýilge shyqty
BІShKEK. Qazannyń 25-i. QazAqparat /Arnur Rahymbekov/ - Qyrǵyzstannyń elordasynda densaýlyq saqtaý mınıstrliginiń aldynda «jedel járdem» qyzmeti júgizýshileriniń ereýili uıymdastyrylyp otyr, dep habarlady QazAqparat tilshisi Bishkekten.
Qyrǵyzstandyq buqaralyq aqparat quraldarynyń habarlaýynsha, «jedel járdem» qyzmeti men vedomstvo avtobazasynyń otyzdan astam júrgizýshisi densaýlyq saqtaý mınıstrimen kezdesýdi talap etýde. Olar jalaqylaryn 10 myń somǵa deıin kóterýdi talap etýde (200 AQSh dollardyń shamasy). Aıta ketý kerek, júrgizýshilerdiń qazirgi jalaqysy 100 dollardan asar-aspas.
Eldiń densaýlyq saqtaý mınıstri Sabyrjan Ábdikárimov jedel járdem júrgizýshileriniń talaptaryn qarap shyǵýǵa jáne olardyń Bishkek merimen kezdesýin uıymdastyrýǵa ýáde berdi.
