Bishkekte janar-jaǵar maı qoımasy órtenip jatyr
ASTANA. QazAqparat - Bishkek qalasynyń batys jaq shetinde janar-jaǵar maı qoımasy otqa orandy. Onyń aýqymy 2,5 myń sharshy metrdi alyp jatyr, dep habarlady Qyrǵyzstan TJM baspasóz qyzmeti.
«Búgin, jergilikti ýaqyt boıynsha saǵat 13.03-te kezekshilik bólimine Lev Tolstoı men Sydyǵalıev kósheleriniń qıylysynda órt bolyp jatqandyǵy jóinde habar tústi. Anyqtalǵan derekter boıynsha, janar-jaǵar maı qoımasy otqa oranǵan, dep málim etti TJM.
Ázirge tilsiz jaýdy aýyzdyqtaý múmkin bolmaı otyr. Oqıǵa ornynda alty órt sóndirý bólimi jumys isteýde. Vedomostvonyń derekterine qaraǵanda, jalyn sharpyǵan aımaq 2,5 myń sharshy metrge jetken.
Ázirge zardap shekkender jaıly málimet joq. Tótenshe jaǵdaılar mınıstri Kýbatbek Boronov oqıǵa ornynda júr, dep habarlady baspasóz qyzmeti.
