Bishkekte ushaq apatynan zardap shekkenderdiń týǵan-týystaryna 70 myń somnan beriledi
BІShKEK. QazAqparat - Qyrǵyzstan Úkimeti áýe apatynan zardap shekkender men qaza tapqan adamdardyń týǵan-týystaryna 70 myń somnan beredi. Bul týraly «QazAqparat» HAA Bishkektegi menshikti tilshisi Qyrǵyzstan Úkimeti apparatynyń baspasóz qyzmetine silteme jasap habarlaıdy.
Búgin, 17 qańtar kúni Qyrǵyz Respýblıkasynyń premer-mınıstri Sooronbaı Jeenbekov «Boıng-747» ushaǵynyń apaty saldarynan zardap shekkender men kóz jumǵandardyń týystaryna járdem berý, apat saldaryn joıý jáne apat sebepterin anyqtaý máseleleri jóninde jınalys ótkizdi.
Qyrǵyz Respýblıkasynyń premer-mınıstriniń birinshi orynbasary Mýhammetkalyı Abýlgazıev, mınıstrlikter basshylary jáne jedel shtabtyń ózge de músheleri apattyq-qutqarý men ózge shuǵyl jumystar boıynsha atqarylǵan jumystar, jaqyn arada oryndaıtyn mindetter jaıly tolyq aqparat berdi.
Odan bólek, búgin mert bolǵandar máıitterin kishi otanyna jetkizý jumystary jalǵasady. Tótenshe jaǵdaılar mınıstri Kýbatbek Boronovtyń aıtýynsha, týystarynyń qalaýymen máıitterdi jetkizýdi QR TJM uıymdastyrýda.
Shý oblysyndaǵy tolyqqandy úkimet ókili Baktybek Kýdaıbergenov ázirge áýe apatynan zardap shekken 11 otbasynyń týystarynyń úıinde turyp jatqanyn habarlady.
Jeenbekov el úkimetiniń kómek kórsetýi úshin áýe apatynan zardap shekkender men qaza tapqan adamdardyń týǵan-týystaryna 70 myń somnan beriletinin atap ótti.
