Bishkekte ulttyq qurt festıvali ótedi
ASTANA. QazAqparat - 2016 jyly 17 sáýirde «Manas» Qyrǵyz-Túrik ýnıversıtetinde ulttyq qurt festıvali ótedi, dep habarlady KırTAG Qyrǵyzstannyń mádenıet, aqparat jáne týrızm mınıstrliginiń baspasóz qyzmetine silteme jasap.
Festıval aıasynda folklorlyq-oıyn saýyq baǵdarlamasy, taǵamnan dám tatý, qurt jármeńkesi ótedi. Qyrǵyzstannyń bas aspazdar qaýymdastyǵy qurt, sorpa jáne desertterdi ázirleý boıynsha sheberlik saǵattaryn uıymdastyrady. Sonymen qatar saýda núktesin úzdik resimdeý boıynsha «Eń úzdik qurt» baıqaýy ótedi.
Festıval ulttyq taǵam dástúrlerin damytýǵa jáne saqtaýǵa, eldiń týrıstik tartymdylyǵyn qurýǵa, Bishkek turǵyndary men qonaqtaryn ulttyq mádenıet pen ulttyq taǵam erekshelikterimen tanystyrýǵa baǵyttalǵan.
