Bishkekte tumaý kezinde avtobýstardy dezınfektsııalaýdy qolǵa aldy
BІShKEK. QazAqparat - Bishkektegi qoǵamdyq kólikter tumaý aıaqtalǵanǵa deıin dezınfektsııalanady. Bul týraly elordalyq mýnıtsıpalıtettiń baspasóz qyzmeti málimdedi, dep habarlaıdy QazAqparat Kabar agenttigine silteme jasap.
Bishkek jolaýshylar avtokólik kásiporny men Bishkek trolleıbýs basqarmasy JRVI men tumaýdyń aldyn alý boıynsha jumystardy júzege asyryp jatyr.
«Júrgizýshiler quramy men kólik jýý qyzmetkerlerine nusqaýlyqtar júrgizildi. Olar medıtsınalyq betperde men qajetti dári-dármektermen qamtamasyz etildi. Kún saıyn avtobýstar men trolleıbýstardyń salondardy hlory bar eritindilermen jýylady», - delingen habarlamada.
Ár avtobýs pen trolleıbýstyń salondary jolǵa shyǵardyń aldynda, sońǵy aıaldamalarda jáne parkke qaıta oralǵanda dezınfektsııalaýshy eritindilermen tazalanady.
Bul profılaktıkalyq is-shara JRVI men tumaý báseńsigenge deıin júrgiziledi.
