Bishkekte taýly memleketterdiń azyq-túlik qaýipsizdigin qamtamasyz etý máselelerine arnalǵan halyqaralyq konferentsııa ashyldy
BІShKEK. Jeltoqsannyń 11-i. QazAqparat /Evgenıı Novıkov/ - Búgin Qyrǵyz Respýblıkasynyń Ulttyq ǵylym akademııasynda Halyqaralyq Taý kúnine oraılastyrylǵan konferentsııa bastaldy.
«Taýly memleketterdiń azyq-túlik qaýipsizdigi» máselesine arnalyp otyrǵan bul jıynda BUU-nyń Myńjyldyq damý maqsattarynyń aıasynda taýly memleketterdiń azyq-túlik qaýipsizdigin qamtamasyz etýdiń negizgi ekonomıkalyq jáne qarjylyq tetikteri talqylanady. Sondaı-aq, jahandyq jylymyqtyń taýly elderdiń ekologııa-ekonomıkalyq júıelerine áser etý problemasy men oǵan beıimdelýdiń tetikteri týraly sóz bolady.
Konferentsııa jumysyna AQSh, Eýropa, Ortalyq jáne Ońtústik-Shyǵys Azııa elderinen úkimettik jáne ǵylymı toptardyń úkimettik emes uıymdardyń ókilderi qatysýda.
