Bishkekte tártipsizdikter kezinde 768 adam zardap shekti
BІShKEK. KABAR-QazAqparat – Eki kúnniń ishinde densaýlyq saqtaý mekemelerine Bishkektegi tártipsizdikterden zardap shekken 768 patsıent kelip tústi, dep habarlaıdy QazAqparat KABAR agenttigine silteme jasap.
Densaýlyq saqtaý mınıstrligi baspasóz qyzmetiniń derekterine qaraǵanda, sonyń ishinde bir adam qaıtys bolyp, 218 patsıent aýrýhanaǵa jetkizildi, 7 adam jansaqtaý bóliminde jatyr.
Sondaı-aq 550 adam ambýlatorlyq em qabyldaýda.
«Qazirgi kezde densaýlyq saqtaý mekemelerinde tıisti medıtsınalyq kómek kórsetilýde, dárigerlik keńester jáne dárimen qamtamasyz etý uıymdastyrylǵan», - dep málimdedi agenttikke.
