Bishkekte sý tapshylyǵynan monshalar men basseınder ýaqytsha jabylyp jatyr
Merııa baspasóz qyzmetiniń málimetinshe, aýyz sý tapshylyǵyna baılanysty mer orynbasary Jyrgalbek Shamyralıev tıisti qyzmettermen birge reıd júrgizip jatyr.
Tekserý qorytyndysy boıynsha úlken kólemde sý jumsaıtyn jeke monshalar, kólik jýý oryndary men basseınder ýaqytsha jabylǵan.
Aıta keteıik, Bishkekke Orto-Alysh jáne Ala-Archın jerasty sý oryndarynyń 37 sý jınaǵyshynan aýyz sý keledi.
Elordany sýmen qamtıtyn negizgi kózi - Orto-Alysh sý jınaǵyshy, odan 40%-dan astam aýyz sý keledi.
2023 jyldyń 2 maýsymyndaǵy jaǵdaı boıynsha, 160-250 metr tereńdiktegi 334 artezıan uńǵymasy paıdalanylyp jatyr.
Sońǵy jyldary, ásirese jaz mezgilinde Bishkek qalasynda turǵyndardy aýyz sýmen qamtamasyz etý problemasy órship tur.
Ortasha sý tutyný kórsetkishi 1 adamǵa kúnine 170 lıtrden 410 lıtrge deıin ósti, ıaǵnı 241% artqan.
Sý tutyný ósiminiń bir sebebi – aýyz sýdy baý-baqshaǵa baqylaýsyz paıdalaný.
Artezıan uńǵymalarynyń turaqty jumysyn qamtamasyz etý maqsatynda «Bishkeksýkanaly» PEÝ men ChÝVH arasynda atalǵan sý jınaǵyshtardy qorektendirnetin kólderdi toltyrý úshin 11,0 mln m3 sý jetkizýge kelisimshartqa qol qoıyldy.
Kóldi toltyrý jer asty sýlarynyń deńgeıin kóterýge jáne Bishkek qalasyn sýmen jabdyqtaýdy jaqsartýǵa yqpal etedi.
Alaıda, muzdyqtardyń baıaý erýimen jáne Ala-Archa ózeni men Chon-Alysh kanalynda jer ústi sýlarynyń bolmaýyna baılanysty qazirgi ýaqytta kóldi toltyrý múmkin bolmaı otyr.
Osyǵan baılanysty Bishkek qalasynyń merııasy «Bishkeksýkanaly» PEÝ-ge Chon-Alysh kanalynan jáne Ala-Archa ózeninen «Orto-Alysh» bas sý jınaǵyshynyń qorektendirý kólderin toltyrý boıynsha barlyq sharalardy qabyldaý, sondaı-aq Orto-Alysh sý tartqyshynyń qorektendirý kólderin toltyrý úshin balamaly sý jınaǵysh salý boıynsha tıisti esepter engizý týraly hattamalyq tapsyrma berildi.