Bishkekte Sport saraıynyń mańynda jarylys boldy, eki áskerı adam zardap shekti
ASTANA. 1 jeltoqsan. QazAqparat - Keshe tańerteń Bishkekte Sport saraıynyń mańynda jarylys boldy, dep habarlaıdy RBK.
Jarylys Sport saraıynyń mańynda shamamen tańerteńgi 8.50 shamasynda bolǵan.
Qyrǵyzstannyń Qaýipsizdik keńesiniń hatshysy Marat Imanqulovtyń habarlaýynsha, aldyn ala málimetter boıynsha, káriz qudyǵyna qoıylǵan qoldan jasalǵan jarylǵysh zat iske qosylǵan.
Jarylystyń saldarynan dıametri 7-10 metrlik shuńqyr paıda bolǵan. Jarylys kezinde tusynan ótip bara jatqan kólikte quqyq qorǵaý organdarynyń qyzmetkerleri bolǵan. Qyrǵyzstannyń Іshki ister mınıstrliginiń eki áskerı qyzmetkeri zardap shekken.
Sondaı-aq, M.Imanqulovtyń habarlaýynsha, Sport saraıynda saǵat 10.00-de 7 sáýir kúngi oqıǵaǵa baılanysty kezekti sot otyrysy ótýge tıis bolatyn.
Qazirgi ýaqytta Qyrǵyzstanda barlyq strategııalyq jáne erekshe mańyzdy nysandardyń kúzetteri kúsheıtildi. El basshylyǵy barlyq kúsh-qýat vedomstvolarynyń basshylaryna osyndaı ókim berdi.
Eldiń Іshki ister mınıstrligine erekshe mańyzdy nysandardyń kúzetin kúsheıtý, qoǵamdyq-saıası jaǵdaıdy turaqtandyrý, qoǵamdyq qaýipsizdikti qamtamasyz etý josparlaryn júzege asyrý mindettelip otyr.
