Bishkekte ShYU jastar forýmy ótip jatyr

BІShKEK. QazAqparat - Qyrǵyzstanda Shanhaı yntymaqtastyq uıymy keńistiginde týrızm ındýstrııasyn damytýǵa arnalǵan jastar forýmy ótip jatyr, dep habarlaıdy QazAqparat «Kabar» agenttigine silteme jasap.

Forýmǵa qatysý úshin Qyrǵyz Respýblıkasynyń astanasyna Qazaqstan, Reseı, Tájikstan, Qytaı, Ózbekstan, Úndistan, Pákistan, Belarýs jáne Ázerbaıjan elderinen delegattar jınaldy.

Sharada Qyrǵyzstanda týrızmin damytý, týrızm salasyndaǵy kásipkerlikke jol ashý, ShYU elderiniń «Jastar kartasyn» iske qosý arqyly jastarǵa qoldaý kórsetýdiń tetikterin jetildirý sııaqty máseleler talqylanady.

«Osy forýmnyń ShYU sammıti aıasynda ótýi elimiz úshin mańyzdy oqıǵa», - deıdi Qyrǵyzstannyń vıtse-premeri Altynaı Omýrbekova.

Onyń aıtýynsha, oqıǵalar týrızmin damytý maqsatynda maýsym aıynda Bishkekte ShYU Jastar keńesiniń kezekti otyrysy, mamyrda Sholpan atada ShYU - Run the Silk Road halyqaralyq marafony ótkiziledi.

«Týrızm álemniń kóptegen memleketterinde zor ekonomıkalyq mańyzǵa ıe. Ol bıýdjetti toltyryp, óńirlik damýǵa jol ashady, jergilikti turǵyndardyń áleýmettik-ekonomıkalyq jaǵdaıyn jaqsartady», - deıdi Omýrbekova.