Bishkekte ShYU múshe memleketterdiń Úkimet basshylary keńesiniń mereıtoılyq otyrysy bastaldy
Prezıdent keńsesinde Qyrǵyzstan prezıdenti Almazbek Atambaevtyń ShYU múshe memleketterdiń úkimet basshylarymen, ShYU bas hatshysymen jáne ShYU ALQQ atqarý komıtetiniń dırektorymen ujymdyq kezdesýi ótti. Sammıtke ShYU múshe memleketterdiń delegatsııasy, ShYU bas hatshysy Rashıd Alımov, ShYU ALQQ AK dırektory Evgenıı Sysoev keldi. Qol alysý jáne fotoǵa túsý rásiminen keıin shaǵyn quramda delegatsııa basshylarynyń otyrysy ótedi. Qyrǵyz Respýblıkasynyń tóraǵalyǵymen ótetin Shanhaı yntymaqtastyq uıymyna múshe memleketter úkimetteriniń basshylar keńesiniń keńeıtilgen otyrysy tústen keıin bastalady. Otyrys aıaqtalǵan soń, qorytyndy qujattarǵa qol qoıý rásimi ótedi.
ShYU múshe memleketteriniń úkimet basshylary keńesiniń 15-shi mereıtoılyq otyrysyna qatysý úshin Qyrǵyzstanǵa Qazaqstan, Qyrǵyzstan, Qytaı, Reseı, Ózbekstan jáne Tájikstan úkimetteriniń basshylary keldi. Jobalyq qyzmet, ǵylymı-tehnıkalyq seriktestik tujyrymdamasy jáne birlesip josparlaýǵa qatysty birqatar qujattarǵa qol qoıý josparlanǵan.
Eske sala keteıik, búginde Qazaqstan ShYU tóraǵasy bolyp tabylady, al 2017 jyldyń 8-9 maýsymynda Astanada uıymǵa múshe memleketter basshylarynyń Sammıti ótedi.