Bishkekte sáýirdegi oqıǵalar boıynsha sot protsesteri jalǵasyp jatyr
BІShKEK. 22 qarasha. QazAqparat /Arnur Rahymbekov/ - Búgin Bishkekte «7 sáýirdegi» oqıǵalar jónindegi kópshilik aldyndaǵy sot otyrysy jalǵastyryldy. Sot úderisi qaýipsizdik sharalary arttyrylǵan jaǵdaıda Sport saraıynyń ǵımaratynda ótip jatyr.
Barlyǵy jıyrma segiz aıyptalýshy adamǵa qatysty qylmystyq is ótip jatyr. Olardyń altaýy Qyrǵyzstan syrtynda júr. Aıyp taǵylyp otyrǵan úsh adam baqylaýda.
Qyrǵyzstannyń burynǵy prezıdenti Qurmanbek Bákıevke, onyń aǵasy Memlekettik qyzmet kúzetiniń tóraǵasy Janysh Bákıevke, onyń uly, Ulttyq Qaýipsizdik Memlekettik qyzmeti tóraǵasynyń kómekshisi Marat Bákıevke, Ulttyq Qaýipsizdik Memlekettik Qyzmetiniń tóraǵasy Murat Sýtalınovqa, burynǵy premer-mınıstr Danııar Úsenovqa, «Arystan» arnaıy maqsattaǵy basqarmasynyń bastyǵy Esenbaı Baıyshulyna syrttaı aıyp taǵylǵan.
Іske qorǵaýshy taraptan on eki avdvokat, aıyp taǵýshy on eki prokýror, sonyń ishinde bas prokýror men onyń orynbasary qatysýda.
