Bishkekte saýda ortalyǵynda bomba qoıylǵany týraly aqparat rastalǵan joq – Qyrǵyzstan ІІB
BІShKEK. Kabar-QazAqparat – Bishkekte saýda ortalyǵynda bomba qoıylǵany týraly aqparat rastalǵan joq, dep habarlady Kabar agenttigi Sverdlov aýdandyq ІІB baspasóz qyzmetine silteme jasap.
Mılıtsııanyń málimetinshe, ǵımarattan kúdikti zat tabylmady. Qorshaý alynyp tastaldy.
Eske salaıyq, Bishkekte bomba qoıylǵany jáne kepilge alynǵan adam bary týraly habardan keıin ortalyq ámbebap dúken ǵımaraty qorshaýǵa alynǵan bolatyn.
Agenttiktiń málimetinshe, memlekettik ulttyq qaýipsizdik komıtetine ǵımarattyń ishinde birneshe áıeldi kepilge alǵany týraly habar túsken.
