Bishkekte R.Otynbaevanyń qatysýymen respýblıkanyń ońtústigindegi jaǵdaıǵa arnalǵan «dóńgelek ústel» ótti
ІShKEK. Maýsymnyń 11-i. QazAqparat /Evgenıı Novıkov/ - Búgin Bishkekte ótpeli kezeńdegi Qyrǵyzstan prezıdenti Roza Otynbaevanyń jáne azamattyq sektor ókilderiniń qatysýymen respýblıkanyń ońtústigindegi oqıǵalarǵa arnalǵan «dóńgelek ústel»» ótti.
R.Otynbaeva kezdesý eki aptaǵa jýyq ýaqyt buryn josparlanǵanyn jáne eldegi ulysaralyq kelisim máselelerine arnalýy tıis bolǵandyǵyn atap ótti. Alaıda Osh qalasyndaǵy tártipsizdikterge baılanysty sharanyń taqyryby ózgerdi.
Ýaqytsha úkimet basshysynyń pikirinshe, Oshtaǵy tártipsizdikterdi referendýmdy bolǵyzbaý úshin ishki kúshter qozdatyp otyr. «Bul arada syrtqy kúshterdi kórip otyrǵan joqpyn. Onda adamdar referendýmdy ótkizdirmeýge úgittep júr. Bishkek bazarlarynda da úkimettiń bedelin túsirýge baǵyttalǵan paraqshalar taratylýda, bul jumysty keıbir partııalar men qozǵalystar júrgizýde», - dep atap kórsetti ol.
«Tártipsizdikter kúshpen emes, osy jumysty sanaly túrde istep otyrǵandardan kelip otyr, - dedi R.Otynbaeva. - Mysalǵa Jalalabadtan adamdar Oshqa jiberilgen. Bizge muny toqtatý úshin kúsh pen qarajat qajet, adamdardy tynyshtandyrýymyz, aqylǵa kelýge shaqyrý qajet».
Onyń aıtýynsha, tártipsizdikter oryn alyp otyrǵan Oshqa adamdardyń shoǵyrlanýyn toqtatý qajet. «Ázirge jaǵdaı kúrdeli, - dep málimdedi R.Otynbaeva. - Jańa Jalalabad gýbernatorymen habarlastym. Jalalabadta ázirge tynysh. Alaıda biz keshke qaraı jáne túnge daıar bolýymyz qajet».
Osyǵan baılanysty R.Otynbaeva ýaqytsha úkimet Oshqa dárigerlerdi jáne quqyqtyq tártipti ustap turý úshin qosymsha kúshterdi attandyrý qajettigin atap ótti.
Ótpeli kezeńdegi QR prezıdentiniń sózinen keıin úkimettik emes uıymdardyń ókilderi baspasóz ókilderiniń zaldy bosatýyn surady.
