Bishkekte Panfılov dıvızııasy qurylýynyń 70 jyldyǵyna oraılastyrylǵan rekvıem-mıtıng ótti

BІShKEK. 12 shilde. QazAqparat /Arnur Rahymbekov/ - Búgin Bishkekte el Prezıdenti Roza Otynbaevanyń, Reseıdiń Qyrǵyzstandaǵy elshisi Valentına Vlasovanyń, Qyrǵyzstan Qorǵanys mınıstri Abıbılla Qudaıbergenov pen Keńes Odaǵynyń Batyry Ivan Panfılovtyń nemeresi Baldyrǵan Baıqadamovanyń qatysýymen Panfılov dıvızııasy qurylýynyń 70 jyldyǵyna oraılastyrylǵan rekvıem-mıtıng ótti.

Uly Otan soǵysy jyldary jaýyngerleri Máskeý úshin shaıqasta eren erlik kórsetken dańqty 316-shy (8-shi gvardııalyq) atqyshtar dıvızııasy osydan 70 jyl buryn qurylǵan bolatyn.

Qyrǵyzstan Prezıdenti R.Otynbaeva men qorǵanys mınıstri Abıbılla Qudaıbergenov I.V. Panfılovtyń eskertkishine gúl shoqtaryn qoıdy. Odan keıin qyrǵyz Prezıdenti Uly Otan soǵysy jáne Panfılov dıvızııasy ardagerlerimen jeke-jeke amandasyp shyqty.

R.Otynbaeva óz sózinde, panfılovshylar dıvızııasynyń Uly Otan soǵysy jyldaryndaǵy erlikteri týraly máńgilik jadymyzda saqtaý kerektigin erekshe atap kórsetti jáne olardyń erlikteri jastardy tárbıeleý isinde úlgi bolýy kerektigin aıtty.