Bishkekte Osman sáýlet stılindegi úlken meshit salyndy - BAQ

ASTANA. QazAqparat - Qyrǵyzstan astanasynda Osman sáýlet stılindegi úlken meshittiń qurylysy aıaqtaldy, dep habarlaıdy «Anadolý» agenttigi.

Qurylys jumystary Túrkııanyń dinı qorynyń (TDV) qoldaýymen júrgizildi. Bishkektegi Osman dáýirindegi sáýlet stılinde salynǵan meshittiń qurylysy 2012 jyly bastalǵan.

Meshittiń jabyq bóliginiń aýmaǵy 7,5 myń tekshe metr. Meshittiń ishinde bir ýaqytta 6 myń adam namaz oqı alady. Jaqyn ornalasqan aýmaqtaǵy namazǵa jınalatyn musylmandardyń sany 20 myń adamǵa jetýi múmkin.

Meshit Ankaradaǵy Kodjatepe aýdanyndaǵy meshit ispettes salynǵan.

Qurylys basshysy Mýsa Demırdjıdiń aıtýynsha, meshittiń bıiktigi 70 metrlik tórt munarasy men eki kiretin esigi bar.