Bishkekte oppozıtsııanyń mıtıngisi ótýde
BІShKEK. QazAqparat - Qyrǵyzstannyń astanasynda oppozıtsııanyń bılikpen ruqsat etilgen keńeıtilgen mıtıngi ótýde.
Ony Ulttyq oppozıtsııalyq qozǵalys uıymdastyrdy.
Bir myńnan astam adam jıylǵan sharada belgili oppozıtsııalyq saıasatkerler, sonyń ishinde QR Joǵarǵy Keńesiniń keıbir qazirgi depýtattary el bıligin synǵa alyp, áleýmettik-ekonomıkalyq jaǵdaıdyń nasharlaǵanyn, jumyssyzdyq deńgeıiniń artqanyn jáne basqa da máselelerdi alǵa tartty.
Oppozıtsıonerler urandarynyń arasynda ekonomıkanyń aldyńǵy qatarly nysandaryn sheteldik ınvestorlarǵa jappaı satýǵa qarsylyq bildirgenderi bar. Olardyń qatarynda «Manas» halyqaralyq áýejaıy men basqa da belgili kásiporyndar bar.
Osyǵan uqsas mıtıngter Djalalabadta, Oshta jáne eldiń basqa óńirlerinde de ótip jatyr. Tártip saqtaý organdary quqyqbuzýshylyqtyń oryn alýyna jol bermeıtinin aıtyp, sharaǵa qatysýshylardy mundaı aktsııalardy bılik ruqsat etken oryndarda ǵana ótkizýge shaqyrdy.
