Bishkekte óltirilgen lańkester Aıt namazy kezinde terakt jasamaq bolǵan
ASTANA. QazAqparat - Arnaıy qyzmet ókilderi óltirgen sodyrlar toby Bishkekte Aıt namazy kezinde terakt jasamaq bolǵan, dep habarlady keshe ulttyq qaýipsizdik memlekettik komıtetiniń resmı ókili (UQMK) Rahat Sýlaımanov.
«Kúdiktiler halyqaralyq lańkestik uıymnyń músheleri. Bizde olardyń Bishkekte lańkestik jasaıyn dep jatqany týraly aqparat bolǵan», - dedi arnaıy qyzmet ókili.
UQMK jedel qyzmetkerleriniń derekterine qaraǵanda, teraktilerdi 17 shildede Bishkektegi eski alańda merekelik Aıt namazy kezinde jasaý josparlanǵan, dep habarlaıdy KırTAG.
Eske sala keteıik, UQMK jedel qyzmetkerleri lańkesterdiń qolǵa túsirý sharasyn ótkizdi. Olardyń ekeýi kúndiz Bishkek mańynda óltirildi, taǵy ekeýi keshke qala ortalyǵynda ajal qushty. Bes kúdikti ustaldy. Olardyń lańkestik uıymdarǵa qatystylyǵy anyqtalyp jatyr. Arnaıy shara barysynda UQMK «Alfanyń» 4 jaýyngeri jaraqattandy.
