Bishkekte OA aımaqtaǵy UQShU-ǵa múshe memleketter basshylarynyń konsýltatsııalary ótedi
MÁSKEÝ. 26 mamyr. QazAqparat - Bishkekte 27-28 mamyr kúnderi Ortalyq Azııa aımaqtaǵy UQShU-ǵa múshe memleket basshylarynyń beıresmı kezdesýi, Syrtqy ister mınıstrleri keńesiniń, Qorǵanys mınıstrleri keńesiniń jáne Qaýipsizdik keńesi hatshylary komıtetiniń (QKHK) otyrystary ótedi. Bul týraly BELTA habarlady.
UQShU baspasóz qyzmetshisi Vladımır Zaınetdınovtiń aıtýynsha, dúısenbi kúni otyrys barysynda UQShU sheńberinde syrtqy saıasatty retteýdi jetildirý, 2020 jylǵa deıin UQShU-ǵa múshe memleketterdiń áskerı yntymaqtastyǵyn damytýdyń negizgi baǵytttaryn júzege asyrý jáne tıisti sharalar jospary, onyń ishinde qarýlaný úlgileri men áskerı tehnıkanyń, onyń sıpattarynyń sáıkestiginiń tizimi máseleleri joǵary deńgeıde talqylanbaq.
QKHK otyrysy barysynda qaýipsizdik keńesiniń hatshylary UQShU múshe memleketterdiń lańkestikpen, ekstremızmmen jáne shekaralyq qylmyspen kúres baǵytynda ózara árekettestikti uıymdastyrý, sondaı-aq Aýǵanstandaǵy jaǵdaıdy eskere otyryp, shekaralyq qaýipsizdik máselelerin ortaǵa salady.
