Bishkekte narazylyq bildirýshiler Aq úıdiń aýmaǵyna basyp kirdi
BІShKEK. KABAR -QazAqparat - Kýágerlerdiń aıtýynsha, Jogorký Keneshke saılaý qorytyndysyna qarsy shyqqandar parlament ǵımaratynyń (Aq úı) aýmaǵyna basyp kirdi, dep habarlaıdy QazAqparat KABAR agenttigine silteme jasap.
Dúısenbi kúni tańerteń parlamentke ótpegen partııalardyń jaqtaýshylary Bishkek ortalyǵynda mıtıngke shyqty. Aktsııaǵa qatysýshylar saılaý qorytyndylarymen kelisken joq. Eldiń Іshki ister mınıstrliginiń habarlaýynsha, «Shý dańǵylymen qozǵalyp, Jogorký Kenesh ǵımaratyn qorshaǵan temir qaqpany syndyrýǵa árekettengen mıtıng qatysýshylaryn arnaıy tehnıkanyń kómegimen qýýǵa týra kelgen. Al olar tas laqtyryp, qaqpadan ótpek bolǵan».
Aldyn ala málimetke qaraǵanda, jeksenbi kúni ótken daýys berý qorytyndylary boıynsha 16 partııanyń ishinde parlamentke tórteýi – «Birimdik», «Mekenim Qyrǵyzstan», «Qyrǵyzstan» jáne «Býtýn Qyrǵyzstan» ótken. Qalǵandary 7-paıyz daýys jınaı almaǵan.
Sondaı-aq qarsylyq bildirýshiler Almazbek Atambaevty QMUK-dan shyǵaryp aldy .
Eldiń Densaýlyq saqtaý mınıstrliginiń málimetinshe, Bishkekte jergilikti saǵat 24.00-degi jaǵdaı boıynsha mıtıngige qatysýshylardy tarqatý barysynda zardap shekken 122 adam aýrýhanaǵa jetkizildi.
Aıta keteıik, 4 qazanda ótken saılaý qorytyndysyna narazylyq bildirgen adamdar Ala-Too alańyna shyǵyp, mıtıng ótkizgen bolatyn. Budan soń mıtıngige shyqqandar Aq úıdi qorshap aldy.
Qyrǵyzstan Prezıdenti Sooronbaı Jeenbekov parlamenttik saılaýǵa qatysqan partııa kóshbasshylarymen kezdesedi.
