Bishkekte Muhtar Áýezovke arnalǵan ǵylymı konferentsııa ótedi
ASTANA. QazAqparat - Qyrǵyzstan ulttyq ǵylym akademııasynda 15 qyrkúıek kúni qazaqtyń uly jazýshysy, qoǵam qaıratkeri, ǵulama ǵalym, aýdarmashy, dramatýrg Muhtar Áýezovtyń 120 jyldyǵyna arnalǵan konferentsııa ótedi. Bul týraly Kabar jazady
«Akademık M.Áýezov ǵylym men mádenıette» ǵylymı-tájirıbelik konferentsııasyna mádenıet pen saıasat salasyndaǵy folklorshylar, ádebıettanýshylar, fılologtar, fılosoftar, tarıhshylar, etnograftar, sarapshylar qatysady.
Іs-shara kezinde qatysýshylar óz týyndalaryn jurtshylyqqa usynady.
Muhtar Omarhanuly Áýezov - qazaq jazýshysy, dramatýrg jáne ǵalym. Lenın (1959) jáne Stalın (1946) atyndaǵy birinshi dárejeli syılyqtyń laýreaty. Qazaq KSR ǵylym akademııasynyń akademıgi (1946), Qazaqstan jazýshylar odaǵynyń tóraǵasy. Onyń eki tomdyq «Abaı joly» romany «Álem ádebıetiniń kitaphanasyna» endi.
