Bishkekte mıtıngige shyqqan top úkimetten qarý berýin talap etti

NUR-SULTAN. QazAqparat – Bishkekte Úkimet úıiniń aldynda mıtıngige shyqqan top Batken oblysynyń shekarasyn qorǵaý úshin qarý berýdi talap etti, dep habarlaıdy QazAqparat Qyrǵyzstannyń Qaýipsizdik keńesine silteme jasap. Bul týraly Kabar agenttigi jazdy.

Atap ótilgendeı, Bishkek qalasyndaǵy Úkimet úıiniń aldynda mıtıngige shyqqandar olarǵa Batken oblysyndaǵy shekarany qorǵaý úshin qarý berýdi talap etip otyr.

«Alaıda, Qyrǵyz Respýblıkasy Qaýipsizdik keńesiniń Hatshylyǵy atalǵan talaptyń saldary aýyr bolýy múmkin bolǵandyqtan, ony oryndaý múmkin emes ekenin atap ótti», - delingen habarlamada.

Sonymen birge, úkimettik delegatsııalardyń qyrǵyz-tájik shekarasyndaǵy jaǵdaıdy retteý boıynsha kelissózderi jalǵasyp jatyr. Sondaı-aq, shekaralyq qurylymdardyń eki basshysy Tájikstan aýmaǵynda kelissózder júrgizý ústinde.