Bishkekte meıramhanada ýlanǵandar sany 232 adamǵa jetti
ASTANA. QazAqparat - Bishkektegi meıramhanada jappaı ýlanǵandar sany 232 adamǵa jetti, dep habarlaıdy Kabar agenttigi Qyrǵyzstan densaýlyq saqtaý mınıstrliginiń baspasóz qyzmetine silteme jasap.
Bishkektegi Respýblıkalyq juqpaly aýrýlar aýrýhanasyna búginniń ózinde 198 adam, al óńirlik aýrýhanalarǵa 34 naýqas júgingen. Sonyń 131-i aýrýhanaǵa jatqyzyldy.
Eske sala keteıik, Bishkektegi «Ala-Too» meıramhanasynda klıentter tamaqtan jappaı ýlanyp qalǵan bolatyn.
Oqıǵaǵa baılanysty «Ala-Too» meıramhanasyna 20 myń som aıyppul salynyp, ýlanýdyń mán-jaıy anyqtalǵanǵa deıin jabyldy. Budan bólek ǵımarattyń ákimshisine 5 myń som aıyppul salyndy.
