Bishkekte meıramhanada ýlanǵandar sany 150 adamǵa jetti
ASTANA. QazAqparat - Bishkektegi meıramhanada jappaı ýlanǵandar sany 150 adamǵa jetti, dep habarlaıdy Kabar Qyrǵyzstan densaýlyq saqtaý mınıstrliginiń baspasóz qyzmetine silteme jasap.
Búginde Qyzǵyzstan Respýblıkalyq juqpaly aýrýlar aýrýhanasyna «Ala-Too» meıramhanasyndaǵy toıdan keıin tamaqtan ýlanǵan 139 adam túsken. Onyń ishinde 89 adam, sonyń ishinde 19 bala aýrýhanaǵa jatqyzyldy.
Sondaı-aq, vedomstvonyń deregi boıynsha Sholpan-Ata qalasy Ystyqkól oblysy Ystyqkól aýdandyq aýrýhanasyna sol toıda ýlanǵan 12 adam túsken. 1 sáýir kúni 10 adam aýrýhanaǵa jetkizilip, ambýlatorlyq kómek kórsetilgen.
«Qazirgi tańda aýrýhanada 10 adam jatyr. Olardyń barlyǵynyń basy aýyryp, aınalyp, júregi aınyp jatyr. Keıbiriniń temperatýrasy kóterilip, dıareıa baıqalýda», - dep habarlady densaýlyq saqtaý mınıstrliginen.
«Ala-Too» meıramhanasyndaǵy tamaqtardan synama alynǵan. Zertteý nátıjesi úsh kúnde daıyn bolady.
