Bıshkekte «Lotereıa-37» uıymyna qarýly shabýyl jasaldy
ASTANA. QazAqparat - Bıshkekte «Lotereıa-37» uıymyna qarýly shabýyl jasaldy, qylmys izi sýymaı jatyp anyqtaldy - dep habarlaıdy KırTAG Qyrǵyzstannyń ІІM silteme jasap.
2016 jyly 4 maýsymda saǵat 04:20 shamasynda belgisiz markaly tapanshamen qarýlanǵan, maskamen tumshalanǵan er adam Bıshkektegi «Lotereıa-37» (Chýı dańǵyly) uıymynyń ǵımaratyna basa-kókteı kirgen. Kassırdi qarýmen qorqytqan qylmysker 32 500 som kólemindegi qarajatty alyp, belgisiz baǵytqa izin sýytqan.
Atalǵan qylmysty anyqtaýǵa baǵyttalǵan jedel izdestirý sharalary kezinde Bıshkek q. ІІBB patrýldik mılıtsııa qyzmetkerleri ІІB qyzmtkerlerimen birigip, «Kelechek» jańa qurylys aýdanynda turatyn 25 jastaǵy T.A. ustady.
Kúdikti Bıshkek qalasyndaǵy ýaqytsha ustaý oqshaýlaǵyshyna qamaýǵa alyndy. Qazir tergeý amaldary júrgizilýde.
