Bishkekte kólik nómiri 25 myń dollarǵa satyldy
BІShKEK. QazAqparat - Bishkekte «777 AAA» avtomobıl nómiri 1 mln. 716 myń somǵa satyldy.
Bul shamamen 25 myń AQSh dollar kóleminde, dep habarlandy Qyrǵyz Respýblıkasy Memlekettik tirkeý qyzmetiniń saıtynda.
«Bastapqy baǵa 60 000 somdy qurady. Aýktsıonǵa qatysýǵa 33 ótinim tústi, 10 paıyz kólemindegi kepildi jarnany tólegen olardyń 9-y ǵana satylymǵa qatysty. Aýktsıon 15.00-de bastalyp, 4 saǵatqa jalǵasty», - delingen habarlamada.
Buǵan deıin eń joǵary baǵa «001 AAA» nómiri úshin usynylǵan bolatyn. Ol 594 myń som nemese 8,5 myń AQSh dollaryna satyldy.
Eske salsaq, Qyrǵyzstanda qymbat nómirlerdiń saýdasy ótken aptada bastaldy. Alǵashqy kúni 143 nómir satyldy. Olardyń baǵasy 2,7 myńnan 5 myń som aralyǵynda boldy.
