Bishkekte qazaqstandyq nómirli mashına rýlindegi áıel eki avtokólikti soqty
ASTANA. QazAqparat - Qazaqstandyq nómirli kólik Bishkekte jol-kólik apatyn jasady, eshkim zardap shekken joq, dep habarlady oqıǵa kýágerleri «Kabar» agenttigine.
Apat saǵat 13:10 kezinde Shopokov - Jumabek kósheleriniń qıylysynda bolǵan. Qasynda eki balasy bar áıel adam rýlde bolǵan qazaqstandyq memlekettik nómirli Nissan March Jumabek kóshesi boıymen qozǵala otyryp, Shopokov kóshesinen ótip bara jatqan Volkswagen Vento-ny qaqqan, odan keıin Mercedes-ke soǵyldy.
Zardap shekken eshkim joq, dep habarlady kýáger. Onyń aıtýynsha, JKA ornyna patrýldi mılıtsııa qyzmetkerleri kelip, apattyń shyǵý sebepterin anyqtady.
