Bishkekte Qazaqstan JOO-larynyń kórme-jármeńkesi ashyldy
ASTANA. QazAqparat - Bishkekte Orion Bishkek Hotel aýmaǵynda «Qazaqstan bilim berý kúnderi» II halyqaralyq kórmesi ashyldy. Qyrǵyzstanǵa Qazaqstannyń túrli qalalarynan 18 JOO ókili keldi, dep habarlaıdy QazAqparat «Halyqaralyq baǵdarlamalar ortalyǵy» AQ-ǵa silteme jasap.
Kórmede Qyrǵyzstan Respýblıkasy bilim jáne ǵylym mınıstriniń orynbasary Nadıra Júsipbekova, «Halyqaralyq baǵdarlamalar ortalyǵy» AQ vıtse-mınıstri Zýlfııa Tórebekova jáne Qyrǵyzstandaǵy QR elshiliginiń keńesshisi Rymtaı Káribjanov sóz sóıledi.
Kórme-jármeńke bilim alýshylar arasynda úlken qyzyǵýshylyq týdyrdy. Kórmeniń alǵashqy kúninde 1000-nan astam adam qatysty.
Oqý ordalarynyń ókilderi Qazaqstanda joǵary bilim alý múmkindikteri týraly keńester berdi. Aıta keteıik, búginde Qazaqstanda 1026 Qyrǵyzstan azamaty bilim alýda. 
